Солиқнинг ортиқча тўланган суммаларини ҳисобга олиш СКнинг 56-моддаси ҳамда Солиқлар бўйича ортиқча тўловлар ва боқимонда мавжуд бўлганда солиқлар бўйича ўзаро ҳисобга олиш тартибида (1997 йил 5 декабрдаги МВ 40-сон, ЎзР Марказий банки 15-01/120-сон ва ЎзР ДСҚ 97-104-сон, кейинги ўринларда - Тартиб) белгиланган.
Белгиланган тартибга кўра ортиқча тўланган солиқлар суммасини мавжуд боқимондани узиш ҳисобига ҳисобга олиш солиқ тўловчининг давлат солиқ хизмати органларига берган ёзма аризаси асосида амалга оширилади (Тартибнинг 2-банди).
Солиқ ва тўловларни бюджетга ҳисобга олиш учун ариза ўз ичига қуйидаги маълумотларни олиши керак: ариза берувчининг номи, унинг манзили, боқимондани сўндириш амалга оширилаётган солиқ ва тўловларнинг номи, суммалар кўрсатилган ҳолда қайси солиқ ва тўловлар ҳисобига амалга оширилаётганлиги (Тартибнинг 3-банди).
Жавоблар улар эълон қилинган санада долзарб ҳисобланади.