Avvalo, aytib oʻtish kerakki, MKning 105-moddasini asos qilib, ishga qabul qilinmaydi, aksincha ushbu moddaga asosan muddatli mehnat shartnomasi bekor qilinadi.

Mehnat shartnomalari nomuayyan muddatga, besh yildan ortiq boʻlmagan muayyan muddatga (muddatli mehnat shartnomasi) va muayyan ishni bajarish vaqtiga moʻljallab tuzilishi mumkin (MK 75-m.).

Ish joyi (lavozimi) saqlanishi lozim boʻlgan хodimning (asosiy хodim) ishda boʻlmagan vaqtiga moʻljallab, uning oʻrniga boshqa хodimni ishga vaqtincha qabul qilsa boʻladi. Bunda oʻrniga qabul qilingan хodim bilan muayyan muddatga, ya’ni asosiy хodim ishga chiqqunga qadar shartnoma tuziladi. Bunday mehnat shartnomasini asosiy хodimning vaqtinchalik mehnatga layoqatsizligi davriga ham tuzsa boʻladi. Bunda ushbu davrda asosiy хodimga mehnatga layoqatsizlik nafaqasi, vaqtincha хodimga esa egallab turgan lavozimi boʻyicha ish haqi toʻlanadi.