Аввало, айтиб ўтиш керакки, МКнинг 105-моддасини асос қилиб, ишга қабул қилинмайди, аксинча ушбу моддага асосан муддатли меҳнат шартномаси бекор қилинади.

Меҳнат шартномалари номуайян муддатга, беш йилдан ортиқ бўлмаган муайян муддатга (муддатли меҳнат шартномаси) ва муайян ишни бажариш вақтига мўлжаллаб тузилиши мумкин (МК 75-м.).

Иш жойи (лавозими) сақланиши лозим бўлган ходимнинг (асосий ходим) ишда бўлмаган вақтига мўлжаллаб, унинг ўрнига бошқа ходимни ишга вақтинча қабул қилса бўлади. Бунда ўрнига қабул қилинган ходим билан муайян муддатга, яъни асосий ходим ишга чиққунга қадар шартнома тузилади. Бундай меҳнат шартномасини асосий ходимнинг вақтинчалик меҳнатга лаёқатсизлиги даврига ҳам тузса бўлади. Бунда ушбу даврда асосий ходимга меҳнатга лаёқатсизлик нафақаси, вақтинча ходимга эса эгаллаб турган лавозими бўйича иш ҳақи тўланади.