Avvalo, ta’kidlash joizki, ustama  va qoʻshimcha haqning  farqi bor.

Ustama kasbiy mahorat, murabbiylik, ogʻir, zararli mehnat sharoitlarida ishlaganlik uchun, uzluksiz ish staji, ilmiy daraja va h.k. uchun toʻlanadigan toʻlovlardir.

Qoʻshimcha haq kasblar va lavozimlarda bir necha kasb va lavozim asosida ishlaganlik, хizmat koʻrsatish zonasini kengaytirganlik, ishlar hajmini koʻpaytirganlik uchun toʻlanadi (VMning 2012 yil 18 oktyabrdagi 297-son qarori bilan tasdiqlangan Nizomning 23-b.).

Shunga koʻra, ish hajmi ortganligi sababli ustama emas, balki qoʻshimcha haq toʻlanadi.

Agar qoʻshimcha haqning aniq miqdori, uni toʻlash shartlari va muddatlari mehnat shartnomasiga qoʻshimcha kelishuvda belgilangan boʻlsa, u holda buyruq chiqarish shart emas. Agar mehnat shartnomasiga qoʻshimcha kelishuvda qoʻshimcha haq miqdori va uning toʻlanishi belgilangan boʻlsa-yu, lekin uni toʻlash shartlari koʻrsatilmagan boʻlsa, u holda buyruq chiqarish lozim boʻladi.