Intizomiy jazo amal qilib turgan muddat mobaynida хodimga nisbatan ragʻbatlantirish choralari qoʻllanilmaydi. Intizomiy jazoning amal qilish muddati bir yildan oshib ketishi mumkin emas. Intizomiy jazoni qoʻllagan ish beruvchi oʻz tashabbusi bilan, хodimning iltimosiga binoan, mehnat jamoasi yoki хodimning bevosita rahbari iltimosnomasiga koʻra jazoni bir yil oʻtmasdan oldin ham olib tashlashga haqli (Mehnat kodeksining 180, 183-m.). Shunga asosan intizomiy jazo amal qilib turgan muddat mobaynida savolda koʻrsatilgan ragʻbatlantirish pullari toʻlanmaydi (agar ish beruvchi buyruq chiqarib, intizomiy jazoni muddatidan oldin olib tashlamagan boʻlsa).

Xodimga nisbatan intizomiy jazo qoʻllanilishi moddiy yordam berishga toʻsqinlik qilmaydi. Ya’ni intizomiy jazo amal qilib turgan paytda хodimga moddiy yordam toʻlasa boʻladi.