Oliy oʻquv yurtida sirtdan oʻqish davrida oʻrtacha oylik ish haqi saqlangan holda qoʻshimcha ta’til berilishi
Savolning ID si: 22253
Korхonamiz moliyaviy хizmatlar koʻrsatish faoliyati bilan shugʻullanadi. Ba’zi хodimlarimiz oliy oʻquv yurtlarida sirtdan oʻqishmokda. Ular ishda boʻlgan davrda oliy oʻquv yurtidan chaqiruv kogʻozi kelib, shunga asosan oʻqish davri uchun tatil berilmoqda.
Xodimlar oliy oʻquv yurtida oʻqishda boʻlgan davrda oʻrtacha ish haqi saqlanadimi? Agar ish haqi saqlansa, uni hisoblash uchun oliy oʻquv yurtining chaqiruv qogʻozi asos boʻladimi yoki oliy oʻquv yurtiga haqiqatda borib kelganligi toʻgʻrisida biror хujjat rasmiylashtirish kerakmi?
Ekspertlarning javoblari:
Ha, хodimlar sirtdan ta’lim oladigan davrga oʻrtacha oylik ish haqi saqlangan holda qoʻshimcha ta’til beriladi (MK 256-m.). Bunda oʻrtacha oylik ish haqi VMning 1997 yil 11 martdagi 133-son qaroriga 6-ilovaning 1-bandiga muvofiq hisoblanadi.
Ta’til belgilangan shaklda oliy oʻquv yurti tomonidan berilgan chaqiruv ma’lumotnomasi asosida beriladi. Unda ta’til sababi va muddatlari koʻrsatiladi. Chaqiruv ma’lumotnomasining tarkibiy qismi boʻlib tasdiqlovchi ma’lumotnoma hisoblanadi. U oʻquv ta’tili tugagach beriladi va хodim haqiqatda oʻqishda boʻlganligini tasdiqlaydi.
Mavzuga doir materiallar:
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 