Олий ўқув юртида сиртдан ўқиш даврида ўртача ойлик иш ҳақи сақланган ҳолда қўшимча таътил берилиши
Саволнинг ID си: 22253
Корхонамиз молиявий хизматлар кўрсатиш фаолияти билан шуғулланади. Баъзи ходимларимиз олий ўқув юртларида сиртдан ўқишмокда. Улар ишда бўлган даврда олий ўқув юртидан чақирув коғози келиб, шунга асосан ўқиш даври учун таьтил берилмоқда.
Ходимлар олий ўқув юртида ўқишда бўлган даврда ўртача иш ҳақи сақланадими? Агар иш ҳақи сақланса, уни ҳисоблаш учун олий ўқув юртининг чақирув қоғози асос бўладими ёки олий ўқув юртига ҳақиқатда бориб келганлиги тўғрисида бирор хужжат расмийлаштириш керакми?
Экспертларнинг жавоблари:
Ҳа, ходимлар сиртдан таълим оладиган даврга ўртача ойлик иш ҳақи сақланган ҳолда қўшимча таътил берилади (МК 256-м.). Бунда ўртача ойлик иш ҳақи ВМнинг 1997 йил 11 мартдаги 133-сон қарорига 6-илованинг 1-бандига мувофиқ ҳисобланади.
Таътил белгиланган шаклда олий ўқув юрти томонидан берилган чақирув маълумотномаси асосида берилади. Унда таътил сабаби ва муддатлари кўрсатилади. Чақирув маълумотномасининг таркибий қисми бўлиб тасдиқловчи маълумотнома ҳисобланади. У ўқув таътили тугагач берилади ва ходим ҳақиқатда ўқишда бўлганлигини тасдиқлайди.
Мавзуга доир материаллар:
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 