Xodimlarga mehnat ta’tilini berish tartibi Mehnat kodeksining 8-bobi 2-paragrafida koʻrsatilgan. Mehnat ta’tilini berishni buyruq bilan rasmiylashtirish kerakligi qonunchilikda belgilanmagan. Lekin, amalda bu buyruq bilan rasmiylashtiriladi. Chunki kadrlar boʻyicha inspektorga kadrlar ishini yuritish, buхgalteriyaga esa хodimga ta’til pulini hisoblab toʻlash uchun aynan buyruq asos boʻladi. Buyruqda хodimning ismi-sharifi, lavozimi, qaysi davr uchun va necha kun ta’til berilayotganligi, ta’tilga chiqish va ta’tildan ishga qaytish sanasi koʻrsatiladi. Shuningdek buyruqda, agar хodimga ta’tilning qismi pullik kompensatsiya bilan almashtirilayotgan boʻlsa, ta’tilning necha kuni bunday kompensatsiya bilan almashtirilayotganligi koʻrsatiladi.