Саволнинг ID си: 22624
Компания ходимлари меҳнат таътилига чиқишини ҳужжатли расмийлаштириш тартиби қандай (буйруқ чиқариш керакми)?
Экспертларнинг жавоблари:
Ходимларга меҳнат таътилини бериш тартиби Меҳнат кодексининг 8-боби 2-параграфида кўрсатилган. Меҳнат таътилини беришни буйруқ билан расмийлаштириш кераклиги қонунчиликда белгиланмаган. Лекин, амалда бу буйруқ билан расмийлаштирилади. Чунки кадрлар бўйича инспекторга кадрлар ишини юритиш, бухгалтерияга эса ходимга таътил пулини ҳисоблаб тўлаш учун айнан буйруқ асос бўлади. Буйруқда ходимнинг исми-шарифи, лавозими, қайси давр учун ва неча кун таътил берилаётганлиги, таътилга чиқиш ва таътилдан ишга қайтиш санаси кўрсатилади. Шунингдек буйруқда, агар ходимга таътилнинг қисми пуллик компенсация билан алмаштирилаётган бўлса, таътилнинг неча куни бундай компенсация билан алмаштирилаётганлиги кўрсатилади.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 