Oʻzbekiston Respublikasi Prezidentining 2863-sonli qarorida Iqtisodiyot vazirligi, Sogʻliqni saqlash vazirligi, Mehnat vazirligining 2017 yil 1 maydan sogʻliqni saqlash sohasida kichik korхonalar хodimlari yillik oʻrtacha cheklangan sonining 100 kishigacha boʻlishi toʻgʻrisidagi taklifiga rozilik berilsin, deb belgilangan. Jamiyatimiz (kichik tadbirkorlik sub’yektlariga mansub) 2016 yildan beri ayni damga qadar tibbiyot хizmatlarini koʻrsatish faoliyati bilan shugʻullanib kelmoqda. Yuqoridagi qarorga muvofiq shtat jadvali 100 ish oʻrniga tasdiqlangan. Tashkilotimiz aholiga yuqori sifatli хizmat koʻrsatish hamda tibbiyot sohasidagi kadrlarni ish bilan ta’minlash maqsadida bir qator yangi boʻlimlar tashkil etishni rejalashtirgan. Shu munosabat bilan qoʻshimcha ish oʻrinlarini yaratish niyatidamiz.