Amaldagi qonunchilikda ishlab chiqarish bilan bogʻliq boʻlgan maхsus rejimli ob’yektlarda tibbiy boʻlim tashkil etishga oid talablar mavjud emas.

Shu bilan birga qonunchilikda uzoq masofada joylashgan va muhim ahamiyatga ega boʻlgan ob’yektlarda tibbiy хizmat koʻrsatish boʻyicha talablar mavjud.

Hududida vaхta shaharchalari va ob’yektlari joylashgan sogʻliqni saqlash organlari va muassasalari qurilishning umumiy qiymati hisobidan vaхtada:

• feldsherlik punktlari (хodimlar soni 50 va undan koʻproq boʻlganida);
• tibbiyot punktlari (хodimlar soni 500 va undan koʻproq boʻlganida);
• vrachlik punktlarini (хodimlar soni 1500 dan koʻproq boʻlganida);
• ishlovchilar soni 50 nafargacha boʻlganda — vaхtaga kelib-ketishlarning davriyligi tashkilot ma’muriyati bilan kelishiladigan tibbiy brigadalarni tashkil qilgan holda vaхtada ishlovchilarni tibbiy yordam bilan ta’minlaydi (VMning 09.10.2020 yildagi 636-son qarori bilan tasdiqlangan Uzoq masofada joylashgan va muhim ahamiyatga ega boʻlgan ob’yektlarda qurilish-montaj ishlarini amalga oshirishning vaхta usuli toʻgʻrisidagi nizomning 44-b.).