Махсус режимли объектларда тиббий хизмат кўрсатиш
Амалдаги қонунчиликда ишлаб чиқариш билан боғлиқ бўлган махсус режимли объектларда тиббий бўлим ташкил этишга оид талаблар мавжуд эмас.
Шу билан бирга қонунчиликда узоқ масофада жойлашган ва муҳим аҳамиятга эга бўлган объектларда тиббий хизмат кўрсатиш бўйича талаблар мавжуд.
Ҳудудида вахта шаҳарчалари ва объектлари жойлашган соғлиқни сақлаш органлари ва муассасалари қурилишнинг умумий қиймати ҳисобидан вахтада:
- фельдшерлик пунктлари (ходимлар сони 50 ва ундан кўпроқ бўлганида);
- тиббиёт пунктлари (ходимлар сони 500 ва ундан кўпроқ бўлганида);
- врачлик пунктларини (ходимлар сони 1500 дан кўпроқ бўлганида);
- ишловчилар сони 50 нафаргача бўлганда — вахтага келиб-кетишларнинг даврийлиги ташкилот маъмурияти билан келишиладиган тиббий бригадаларни ташкил қилган ҳолда вахтада ишловчиларни тиббий ёрдам билан таъминлайди (ВМнинг 09.10.2020 йилдаги 636-сон қарори билан тасдиқланган Узоқ масофада жойлашган ва муҳим аҳамиятга эга бўлган объектларда қурилиш-монтаж ишларини амалга оширишнинг вахта усули тўғрисидаги низомнинг 44-б.).
Жавоблар улар эълон қилинган санада долзарб ҳисобланади.