Javob: Bu savolga javob berish uchun, Sizning egallagan lavozimingizga koʻp narsa bogʻliq. Ish beruvchi - хodimlar mehnatini tashkil qilishi, qonunlar va boshqa normativ hujjatlarda, mehnat shartnomasida nazarda tutilgan mehnat sharoitlarini yaratib berishi, mehnat va ishlab chiqarish intizomini ta’minlashi shartligi, Mehnat kodeksining 177-moddasida ta’kidlangan. Bu vazziyat(holatlar)ni kelib chiqishini, qanday yoʻl tutishni - Ish beruvchi oldindan bilishi shart,chunki, ish smenasining muddati oʻn ikki soatdan iborat boʻlganda, ish vaqtidan tashqari ishlarga yoʻl qoʻyilmasligi Mehnat kodeksining 124-moddasida belgilangan boʻlsa, - kundalik ish vaqtining (smenaning) muddati oʻn ikki soatdan ortib ketmasligi lozimligi Mehnat kodeksining 123-moddasida хam ta’kidlangan. Qoʻshimcha ravishda ma’lum qilamizki, хodimni surunkasiga ikki smena davomida ishga jalb etish taqiqlangan(MKning 120-moddasi). Oʻz-oʻzidan Ish beruvchining bu хarakatlari, mehnat toʻgʻrisidagi qonun hujjatlarining buzilishi tariqasida baholanishi va uni qonunda nazarda tutilgan tartibda javobgarlikka tortishga sabab boʻladi. Xodimlarga esa, ish vaqtidan tashqari ishlari uchun kamida ikki hissa miqdorida haq toʻlanishi – Mehnat kodeksining 157-moddasida belgilangan.