Ta’til pulini hisoblash uchun хodimning oʻrtacha ish haqi quyidagi formulalarga muvofiq aniqlanadi:

- ish haqining vaqtbay tizimi boʻyicha oʻrtacha ish haqi = ta’tildan oldingi oхirgi kalendar oyi uchun tarif stavkasi (ish haqi) + hisob-kitob davri uchun ish haqining qoʻshimcha qismining oʻrtacha oylik miqdori;

- ish haqining ishbay tizimi boʻyicha oʻrtacha ish haqi = ta’tildan oldingi kalendar oy uchun ishbay baholar boʻyicha haqiqatda hisoblangan ish haqi + hisob-kitob davri uchun ish haqining qoʻshimcha qismining oʻrtacha oylik miqdori.

Soʻngra oʻrtacha oylik ish haqi 25,3 ga boʻlinadi va 6 kunlik ish haftasini hisoblash asosida ta’til kunlariga toʻgʻri keladigan ish kunlari soniga koʻpaytiriladi (MK 257-m.).

Batafsil ta’til pulini hisoblash misollari quyidagi tavsiyada keltirilgan:

“Ta’til pullarini hisoblab chiqish”.