Savolning ID si: 25545
Mehnat kodeksi 220-moddasida xodimga bitta tashkilotda yoki tarmoqda ishlagan har besh yil uchun qo’shimcha ta'til berish nazarda tutilgan.
Shu normadagi "tarmoq" tushunchasi, turlari qaysi hujjatda belgilangan? Misol uchun, xodim vazirlikning markaziy apparatida 5 yil, uning hududiy boshqarmasida 5 yil ishlasa, bir tarmoq hisoblanadimi? Yoki bir o’qituvchi turli yillarda turli maktablarda ishlab kelsa, bir tarmoqda ishlagan bo’ladimi?
Ekspertlarning javoblari:
Qonunchilikda tarmoqning umumiy ta’rifi keltirilmagan. Faqat «Muhofaza choralari, antidemping va kompensatsiya bojlari toʻgʻrisida»gi Qonunda iqtisodiyot tarmogʻi tushunchasini uchratsa boʻladi. Unga koʻra, iqtisodiyot tarmogʻi - Oʻzbekiston Respublikasining oʻхshash tovar ishlab chiqaruvchilarining barchasi yoki Oʻzbekistonda shunday tovar ishlab chiqarish umumiy hajmida ulushi asosiy qismni tashkil etadigan ishlab chiqaruvchilarning jami (Qonunning 3-m.).
Mehnat kodeksida tarmoq tushunchasi keltirilmaganligi bois Mehnat kodeksining 220-moddasida nazarda tutilgan tarmoq staji boʻyicha savol bilan Kambagʻallikni qisqartirish va bandlik vaziriligiga murojaat qilishingizni tavsiya etamiz.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 