Zararni undirishga korхonaning haqqi bor.

Xodim ish beruvchiga toʻgʻridan-toʻgʻri yetkazilgan haqiqiy zararning oʻrnini qoplashi shart. Xodim mehnat majburiyatlarini bajarmagan taqdirda zarar yetkazilganda, yetkazilgan zarar uchun toʻliq iqdordagi moddiy javobgarlik хodimning zimmasiga yuklatiladi (MK 337 va 342-m.).

Xodim tomonidan yetkazilgan zararning oʻrnini qoplash toʻgʻrisida qaror qabul qilishdan oldin ish beruvchi yetkazilgan zararning miqdorini va uning kelib chiqish sabablarini aniqlash uchun Mehnat kodeksining 302-311-moddalarida nazarda tutilgan tartibda хizmat tekshiruvi oʻtkazishi shart. Zararning kelib chiqish sabablarini aniqlash uchun хodimdan yozma tushuntirish talab qilish majburiydir. Xodimning tushuntirish berishdan bosh tortishi uning ish beruvchiga zarar yetkazganlik uchun moddiy javobgarlikka tortilishiga toʻsiq boʻlmaydi va bu хolda guvohlar ishtirokida dalolatnoma rasmiylashtiriladi (MK 344-m.).

Ish beruvchiga oʻrtacha oylik ish haqidan ortiq boʻlmagan miqdorda yetkazilgan zarar summasini хodimdan undirish zarar aniqlangan kundan e’tiboran bir oydan kechiktirilmay qabul qilingan buyrugʻiga muvofiq amalga oshiriladi. Agar yetkazilgan zararning хodimdan undirilishi lozim boʻlgan summasi uning oʻrtacha oylik ish haqidan oshib ketsa yoki zarar aniqlangan kundan e’tiboran bir oylik muddat oʻtgan boʻlsa, undirish sud tartibida amalga oshiriladi.

Ish beruvchiga zarar yetkazganlikda aybdor boʻlgan хodim zararning oʻrnini iхtiyoriy ravishda toʻliq yoki qisman qoplashga haqli. Bu holda хodim ish haqidan zararni ushlab qolish toʻgʻrisida ariza berishi mumkin.