Зарарни ундиришга корхонанинг ҳаққи бор.

Ходим иш берувчига тўғридан-тўғри етказилган ҳақиқий зарарнинг ўрнини қоплаши шарт. Ходим меҳнат мажбуриятларини бажармаган тақдирда зарар етказилганда, етказилган зарар учун тўлиқ иқдордаги моддий жавобгарлик ходимнинг зиммасига юклатилади (МК 337 ва 342-м.).

Ходим томонидан етказилган зарарнинг ўрнини қоплаш тўғрисида қарор қабул қилишдан олдин иш берувчи етказилган зарарнинг миқдорини ва унинг келиб чиқиш сабабларини аниқлаш учун Меҳнат кодексининг 302-311-моддаларида назарда тутилган тартибда хизмат текшируви ўтказиши шарт. Зарарнинг келиб чиқиш сабабларини аниқлаш учун ходимдан ёзма тушунтириш талаб қилиш мажбурийдир. Ходимнинг тушунтириш беришдан бош тортиши унинг иш берувчига зарар етказганлик учун моддий жавобгарликка тортилишига тўсиқ бўлмайди ва бу холда гувоҳлар иштирокида далолатнома расмийлаштирилади (МК 344-м.).

Иш берувчига ўртача ойлик иш ҳақидан ортиқ бўлмаган миқдорда етказилган зарар суммасини ходимдан ундириш зарар аниқланган кундан эътиборан бир ойдан кечиктирилмай қабул қилинган буйруғига мувофиқ амалга оширилади. Агар етказилган зарарнинг ходимдан ундирилиши лозим бўлган суммаси унинг ўртача ойлик иш ҳақидан ошиб кетса ёки зарар аниқланган кундан эътиборан бир ойлик муддат ўтган бўлса, ундириш суд тартибида амалга оширилади.

Иш берувчига зарар етказганликда айбдор бўлган ходим зарарнинг ўрнини ихтиёрий равишда тўлиқ ёки қисман қоплашга ҳақли. Бу ҳолда ходим иш ҳақидан зарарни ушлаб қолиш тўғрисида ариза бериши мумкин.