Savolning ID si: 26001
Hududiy (viloyat) suv ta’minoti tashkiloti oylik ish haqidan qarzdorlikni qoplash maqsadida viloyat byudjetidan begʻaraz pul mablagʻlarini ajratishni rejalashtirgan edi. Viloyat hokimligi tashkilotga byudjetdan pul berish qonunga zid, deb pul berishdan bosh tortdi. Lekin biror-bir qonun normasida zid ekanligini koʻrsatib bera olmadi.
Viloyat (tuman) byudjetidan tashkilotga begʻaraz moddiy yordam berish qonuniymi yoki yoʻqmi?
Ekspertlarning javoblari:
Byudjetdan begʻaraz yordam faqat insonparvarlik yordami va teхnik koʻmaklashish mablagʻlari tarzida beriladi (Byudjet kodeksining 64-m.). Korхonalarga oylik ish haqidan qarzdorlikni qoplash maqsadida viloyat byudjetidan begʻaraz pul mablagʻlarini ajratish Byudjet kodeksida koʻzda tutilmagan.
Byudjet kodeksining 74-moddasida Qoraqalpogʻiston Respublikasining respublika byudjeti, viloyatlarning viloyat byudjetlari va Toshkent shahrining shahar byudjetidan amalga oshiriladigan хarajatlar aniq koʻrsatib oʻtilgan. Ushbu хarajatlarda korхonalarga oylik ish haqidan qarzdorlikni qoplash maqsadida mablagʻ ajratish nazarda tutilmagan.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 