Саволнинг ID си: 26001
Ҳудудий (вилоят) сув таъминоти ташкилоти ойлик иш ҳақидан қарздорликни қоплаш мақсадида вилоят бюджетидан беғараз пул маблағларини ажратишни режалаштирган эди. Вилоят ҳокимлиги ташкилотга бюджетдан пул бериш қонунга зид, деб пул беришдан бош тортди. Лекин бирор-бир қонун нормасида зид эканлигини кўрсатиб бера олмади.
Вилоят (туман) бюджетидан ташкилотга беғараз моддий ёрдам бериш қонунийми ёки йўқми?
Экспертларнинг жавоблари:
Бюджетдан беғараз ёрдам фақат инсонпарварлик ёрдами ва техник кўмаклашиш маблағлари тарзида берилади (Бюджет кодексининг 64-м.). Корхоналарга ойлик иш ҳақидан қарздорликни қоплаш мақсадида вилоят бюджетидан беғараз пул маблағларини ажратиш Бюджет кодексида кўзда тутилмаган.
Бюджет кодексининг 74-моддасида Қорақалпоғистон Республикасининг республика бюджети, вилоятларнинг вилоят бюджетлари ва Тошкент шаҳрининг шаҳар бюджетидан амалга ошириладиган харажатлар аниқ кўрсатиб ўтилган. Ушбу харажатларда корхоналарга ойлик иш ҳақидан қарздорликни қоплаш мақсадида маблағ ажратиш назарда тутилмаган.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 