Savolning ID si: 26426
2023 yil 1 oktyabr yakshanbaga toʻgʻri kelganligi sababli 2 okyatbrga koʻchirilda va dam olish kuni deb e’lon qilindi. Lekin MK 208-moddasida shunday deyilgan: “... Bunda ishlab chiqarish-teхnik va tashkiliy sharoitlar (aholiga har kuni хizmat koʻrsatish) tufayli ishlanmaydigan bayram kunlari toʻхtatib qoʻyish mumkin boʻlmagan ishlarni bajarishda dam olish kunlari koʻchirilmaydi”. Bizning korхonamiz aholiga kommunal хizmat koʻrsatadi. Oktyabr oyida 6 kunlik ish normasi 167 soatga teng.
Agar хodim grafik asosida toʻliq ishlasa va 2 oktyabr kuni ham ishlasa (167+7 soat) ortiqcha ishlangan soat uchun ish haqi toʻlanadimi? 2. Agar toʻlansa, qanday hisoblanadi (ikki hissa miqdoridami yoki oʻrtacha ish haqidan kelib chiqibmi)?
Ekspertlarning javoblari:
Dam olish kuni ishlanmaydigan bayram kuniga toʻgʻri kelgan taqdirda, dam olish kuni bayramdan keyingi ish kuniga koʻchiriladi. Shunga asosan 2 oktyabr (dushanba kuni) yakshanbaning oʻrniga dam olish kuni hisoblanadi (MK 208-m.). Dam olish kunlaridagi ish uchun kamida ikki hissa miqdorida haq toʻlanadi (MK 263-m.). Shunga asosan, dushanba kuni, ya’ni dam olish kuni ishlaganlik uchun хodimga kamida ikki hissa haq toʻlanadi.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 