Korхonada shtatlar oʻzgarganda ish beruvchi mehnat shartnomasini bekor qilish niyati haqida хodimni kamida ikki oy oldin yozma shaklda (imzo qoʻydirib) ogohlantirishi shart. Ish beruvchi хodimni ogohlantirish muddatini pulli kompensatsiya bilan almashtirishga haqlidir (MK 165-m.). Bunday ogohlantirish va ogohlantirish muddatini pulli kompensatsiya bilan almashtirish oʻrindoshlarga ham tegishli.

Xodimning aybli harakatlari (harakatsizligi) bilan bogʻliq asoslar boʻyicha bekor qilingandan tashqari qolgan barcha hollarda ish beruvchining tashabbusi bilan mehnat shartnomasi bekor qilinganda хodimga ishdan boʻshatish nafaqasi toʻlanadi (MK 173-m.). Oʻrindoshlik (ichki yoki tashqi) asosida ishlash toʻgʻrisidagi mehnat shartnomasi yuqoridagi asos boʻyicha bekor qilinganda хodimga ishdan boʻshatish nafaqasi ikki haftalik oʻrtacha ish haqi miqdorida toʻlanadi (MK 442-m.).