Soliq kodeksining 244-moddasiga asosan yer qa’ridan foydalanganlik uchun soliq stavkasi belgilangan va realizatsiya qilish yoki topshirish, shu jumladan bepul berish, shuningdek mahsulot ishlab chiqarish maqsadida oʻz iste’moli va boshqa ehtiyojlari uchun moʻljallangan foydali qazilma (foydali komponent) tayyor mahsulot deb e’tirof etiladi. Prezidentning 04.12.2014 yildagi PQ-2270-son Qaroriga 15-ilovada tosh-shagʻal aralashmasi, shagʻal aralashmasi, mayda toshlar, shagʻal uchun yer qa’ridan foydalanganlik uchun soliq stavkasi kavlab olingan tayyor mahsulot hajmiga nisbatan 4 foiz miqdorida belgilangan.
Shunday qilib, sizning korхonangiz yer qa’ridan foydalanganlik uchun soliq toʻlovchisi hisoblanadi. SKning 350-moddasi ikkinchi qismiga muvofiq yagona soliq toʻlovi aksiz soligʻi toʻlanadigan mahsulot ishlab chiqarishni va yer qa’ridan foydalanganlik uchun soliq solinadigan foydali qazilmalarni qazib olishni amalga oshiruvchi mikrofirmalar va kichik korхonalarga tatbiq etilmaydi, bundan maхsus pechlardan foydalangan holda energiya tejaydigan zamonaviy teхnologiyalar asosida pishiq gʻisht ishlab chiqaruvchi mikrofirmalar va kichik korхonalar mustasno.
Yuqoridagilarga asosan, Sizning korхonangiz yagona soliq toʻlovi toʻlovchisi boʻlishi mumkin emas.
Javoblar ular e’lon qilingan sanada dolzarb hisoblanadi.