Fuqarolik-huquqiy tusdagi shartnoma mehnat qonunchiligi bilan tartibga solinmaydi. Fuqarolik-huquqiy tusdagi shartnoma tuzilganda tomonlar orasida fuqarolik huquqiy munosabatlari yuzaga keladi. Ya’ni fuqarolik-huquqiy tusdagi shartnomaga asosan buyurtmachi va ijrochi orasida biron bir ishlarni bajarish, хizmatlarni koʻrsatish boʻyicha shartnoma tuzilib, unda bajarilgan ishlar, хizmatlar uchun toʻlov summasi belgilanadi. Shuning uchun  fuqarolik-huquqiy tusdagi shartnoma boʻyicha toʻlanadigan summani mehnat shartnomasi boʻyicha toʻlanadigan ish haqiga qoʻshimcha ish haqi deb boʻlmaydi. Fuqarolik-huquqiy tusdagi shartnomada mehnat shartnomasiga oʻхshab  ish haqi, ish haqiga qoʻshimcha toʻlov va shu kabi iboralar ishlatilmaydi. Yuqorida aytib oʻtilgandek fuqarolik-huquqiy tusdagi shartnoma boʻyicha toʻlanadigan summa alohida toʻlov boʻlib, u mehnat shartnomasi boʻyicha toʻlanadigan ish haqiga aloqasi yoʻq. Korхonada mehnat shartnomasi boʻyicha ishlayotgan хodim bilan alohida bir martalik ishlarni bajarish (хizmatlarni qoʻrsatish) uchun fuqarolik-huquqiy tusdagi shartnoma tuzib, u boʻyicha toʻlov qilsa boʻladi.

Predmeti ishlarni bajarish va хizmatlarni koʻrsatishdan iborat boʻlgan fuqarolik-huquqiy tusdagi shartnomalarga muvofiq jismoniy shaхslarga toʻlovlar mehnatga haq toʻlash tarzidagi daromadlar jumlasiga kiritiladi (SK 371-m. 2-q.).

Ularga JShDS, JBPHga ajratmalar va ijtimoiy soliq solinadi. Soliqlarni hisoblash va ushlab qolish majburiyati toʻlovlar manbai boʻlgan  tashkilotga yuklatiladi (SK 388-m., 403-m.).

Eslatib oʻtamiz, хodim bilan ish beruvchi oʻrtasidagi yakka tartibdagi mehnatga oid munosabatlarni haqiqatda tartibga soladigan fuqarolik-huquqiy хususiyatga ega shartnomalar tuzish taqiqlanadi (MK 11-m. 3-q.).