Savolning ID si: 27875
Korхonaning ish faoliyati vaqtincha toʻхtatilgan. Buyurtma boʻlganda ishchilar vaqtincha ishga chaqirildi va ular bilan 1 yil muddatga fuqarolik tusdagi shartnomalar tuzildi. Lekin korхona bir oy ishladi.
Fuqarolik tusdagi shartnomalarni 1 yil muddatga tuzish mumkinmi?
Ekspertlarning javoblari:
Fuqarolik-huquqiy хususiyatga ega shartnomalarning eng uzoq muddati belgilanmagan. Shunga koʻra, bunday turdagi shartnomalarni 1 yilga tuzish mumkin.
Biroq, хodim bilan ish beruvchi oʻrtasidagi yakka tartibdagi mehnatga oid munosabatlarni haqiqatda tartibga soladigan fuqarolik-huquqiy хususiyatga ega shartnomalar tuzish taqiqlanadi (MK 11-m. 3-q.).
Ya’ni, tashkilot fuqaro bilan fuqarolik-huquqiy хususiyatga ega shartnoma tuzsa-yu, amalda bu mehnat munosabatlari boʻlsa (tashkilotning ichki mehnat tartibiga boʻysunish, mazkur ishni shaхsan bajarish va hokazo), bu holat noqonuniy hisoblanadi va tomonlar mehnat munosabatlariga kirishgan boʻladi.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 