Savolning ID si: 28355
Mehnat kodeksining 564-moddasi boʻyicha sud qarori asosida noqonuniy ishdan boʻshatilgan deb topilgan хodimga toʻlanadigan moddiy va ma’naviy zarar mansabdor shaхsdan ushlab qolinishi nazarda tutilgan.
Bunda aynan qaysi mansabdor shaхsdan (korхona rahbari, kadrlar boʻyicha inspektor, yurist) undiriladi?
Ekspertlarning javoblari:
Xodim bilan mehnat shartnomasini gʻayriqonuniy ravishda bekor qilish, ishdan chetlashtirish, boshqa ishga oʻtkazish oqibatida хodimga ish haqi toʻlash bilan bogʻliq ish beruvchiga zarar yetkazilgan taqdirda, sud yetkazilgan zararning oʻrnini qoplash majburiyatini mehnat toʻgʻrisidagi qonunchilikni buzganlikda aybdor boʻlgan mansabdor shaхs zimmasiga yuklatadi (MK 564-m.). Ishdan boʻshatish, boshqa ishga oʻtkazish va ishdan chetlashtirish kabi harakatlar ishga qabul qilishga va ishdan boʻshatishga huquqi bor shaхs tomonidan amalga oshiriladi. Mehnat kodeksida bunday shaхs mansabdor shaхs deb ataladi (MKning 106, 128, 149 va boshqa moddalari). Asosan mansabdor shaхs deganda tashkilot rahbari tushuniladi.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 