Саволнинг ID си: 28355
Меҳнат кодексининг 564-моддаси бўйича суд қарори асосида ноқонуний ишдан бўшатилган деб топилган ходимга тўланадиган моддий ва маънавий зарар мансабдор шахсдан ушлаб қолиниши назарда тутилган.
Бунда айнан қайси мансабдор шахсдан (корхона раҳбари, кадрлар бўйича инспектор, юрист) ундирилади?
Экспертларнинг жавоблари:
Ходим билан меҳнат шартномасини ғайриқонуний равишда бекор қилиш, ишдан четлаштириш, бошқа ишга ўтказиш оқибатида ходимга иш ҳақи тўлаш билан боғлиқ иш берувчига зарар етказилган тақдирда, суд етказилган зарарнинг ўрнини қоплаш мажбуриятини меҳнат тўғрисидаги қонунчиликни бузганликда айбдор бўлган мансабдор шахс зиммасига юклатади (МК 564-м.). Ишдан бўшатиш, бошқа ишга ўтказиш ва ишдан четлаштириш каби ҳаракатлар ишга қабул қилишга ва ишдан бўшатишга ҳуқуқи бор шахс томонидан амалга оширилади. Меҳнат кодексида бундай шахс мансабдор шахс деб аталади (МКнинг 106, 128, 149 ва бошқа моддалари). Асосан мансабдор шахс деганда ташкилот раҳбари тушунилади.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 