Xodimga u bitta tashkilotda yoki tarmoqda ishlagan har besh yil uchun davomiyligi ikki kalendar kun boʻlgan, biroq jami sakkiz kalendar kundan koʻp boʻlmagan har yilgi qoʻshimcha mehnat ta’tili beriladi (MKning 220-m. 1-q.). Yuqorida koʻrsatilgan moddada uzluksiz ish staji nazarda tutilmagan. Mehnat kodeksining 220-moddasi boʻyicha qoʻshimcha ta’til davomiy ish staji uchun taqdim qilinadi. Moddada ushbu jumlaga aniqlik kiritilmaganligi sababli, bu vaziyatni ish beruvchi ichki lokal hujjat bilan tartibga solishi kerak. Bunda хodim vaziyatini yomonlashtirmaslik va noaniqliklarni uning foydasiga talqin qilish tamoyiliidan kelib chiqish tavsiya etiladi. Sizning misolingizda хodim tashkilotda 14 yil ishlagan, keyin u bilan mehnat shartnomasi bekor qilingan, soʻng u oʻsha tashkilotga oʻrindoshlik asosida qayta ishga joylashgan. Bizning fikrimizcha, bu vaziyatda хodim hali ham uzluksiz ish staji uchun 4 kalendar kundan iborat qoʻshimcha ta’til olish huquqiga ega. Tashkilotning ichki hujjatlariga faqat amaldagi qonunchilikka zid boʻlmagan va u bilan taqqoslaganda хodimning vaziyatini yaхshilaydigan qoidalarni kiritish mumkin (MKning 8-m. Mazmunidan kelib chiqib).