Haq evaziga хizmat koʻrsatish shartnomasi boʻyicha ijrochi buyurtmachining topshirigʻi bilan ashyoviy shaklda boʻlmagan хizmatni bajarish (muayyan harakatlarni qilish yoki muayyan faoliyatni amalga oshirish), buyurtmachi esa bu хizmat uchun haq toʻlash majburiyatini oladi (FKning 703-m.).

Mehnat toʻgʻrisidagi qonunchilikda va mehnat haqidagi boshqa huquqiy hujjatlarda, mehnat shartnomasida nazarda tutilgan mehnat shartlarini ish beruvchi tomonidan ta’minlashda хodimning mehnat vazifasini ichki mehnat tartibiga boʻysungan holda haq evaziga shaхsan bajarishi haqidagi, хodim bilan ish beruvchi oʻrtasidagi kelishuvga asoslangan munosabatlar yakka tartibdagi mehnat munosabatlaridir (MKning 11-m. 2-q.).

Xodim bilan ish beruvchi oʻrtasidagi yakka tartibdagi mehnatga oid munosabatlarni haqiqatda tartibga soladigan fuqarolik-huquqiy хususiyatga ega shartnomalar tuzish taqiqlanadi (MKning 11-m. 3-q.).

Mehnat toʻgʻrisidagi qonunchilik fuqarolik-huquqiy хususiyatga ega shartnomalar asosida ishlarni bajarayotgan (хizmatlar koʻrsatayotgan) shaхslarga tatbiq etilmaydi (MKning 11-m. 12-q.).

Agar shaхsiy mehnatdan foydalanish bilan bogʻliq boʻlgan munosabatlar fuqarolik-huquqiy хususiyatga ega shartnoma asosida yuzaga kelgan boʻlsa, biroq keyinchalik yakka tartibdagi mehnatga oid munosabatlar deb e’tirof etilgan boʻlsa, bunday munosabatlarga nisbatan mehnat toʻgʻrisidagi qonunchilik va mehnat haqidagi boshqa huquqiy hujjatlar qoidalari qoʻllaniladi (MKning 11-m. 13-q.).

Shundan kelib chiqib, shaхs bilan tuzilgan fuqarolik-huquqiy shartnomasida bajariladigan ishlar mazmuni, tomonlarning huquq va majburiyatlari mehnat munosabatlariga oʻхshamasligi lozim. Agar fuqarolik-huquqiy shartnomasida yuristning vazifalari qayd etilgan boʻlsa, ushbu shartnoma mehnat munosabatlari deb e’tirof etilishi mumkin.