Intizomiy jazoning amal qilish muddati ichida хodimga nisbatan ragʻbatlantirish choralari, shu jumladan mehnatga haq toʻlash tizimiga kirmaydigan va mehnat natijalariga asoslanmagan mukofotlar ham (bayramlar, shu jumladan kasb bayramlari, yubileylar munosabati bilan va hokazolar) qoʻllanilmaydi (MK 299-m.). Shunga asosan:

- birinchidan, agar choraklik moddiy ragʻbatlantirish haq toʻlash tizimiga kiradigan va/yoki mehnat natijalariga asoslangan mukofot boʻlsa, bunday ragʻbatlantirish intizomiy jazo qoʻllanilganidan qat’i nazar toʻlab berilishi kerak;

- ikkinchidan, intizomiy jazo intizomiy qilmish aniqlanganidan keyin qoʻllaniladi. Xizmat tekshiruvi natijalari toʻgʻrisidagi dalolatnoma komissiya tomonidan imzolangan kun хizmat tekshiruvi natijalari boʻyicha aniqlangan intizomiy qilmish aniqlangan kun deb hisoblanadi (MK 314-m.). Mehnat qonunchiligida хizmat tekshiruvi davrida ragʻbatlantirish choralari qoʻllanilmasligi koʻzda tutilmagan.