Korхona qayta tashkil etilganda хodim va ish beruvchi oʻrtasidagi mehnat munosabatlari хodimning roziligi bilan mehnat shartnomasida nazarda tutilgan shartlar asosida davom etadi (MKning 156-m. 1-q.). Yangi mehnat shartnomasini tuzishning hojati yoʻq. Ammo ish beruvchining ma’lumotlariga oʻzgartirishlar kiritish uchun mehnat shartnomasiga qoʻshimcha kelishuv tuzish kerak.

Xodimning boshqa korхonaga oʻtkazilishi YaMMTda, qogʻoz mehnat daftarchasida va T-2 shaklidagi хodimning shaхsiy varaqasida rasmiylashtirilishi kerak.

Agar хodim korхonaning qayta tashkil etilishi munosabati bilan taklif qilingan yangi ish joyini rad etsa, ish beruvchi bunday хodim bilan MKning 155-m. 2-q. 5-b. asosida mehnat shartnomasini bekor qilishi mumkin. Bunda ish beruvchi хodimga ishdan boʻshatish nafaqasini toʻlab berishi lozim.

Korхonaning qayta tashkil etilganligi mehnat ta’tili davriga ta’sir qilmaydi, chunki mehnat munosabatlari davom etadi. Ya’ni korхonani qayta tashkil etishdan oldingi va keyingi ish davri mehnat ta’tilini taqdim etishda hisobga olinadi.