Oʻn ikki yoshga toʻlmagan ikki va undan ortiq bolaning yoki oʻn olti yoshga toʻlmagan nogironligi boʻlgan bolaning ota-onasidan biriga (ota-ona oʻrnini bosuvchi shaхsga) har yili davomiyligi kamida toʻrt kalendar kun boʻlgan haq toʻlanadigan qoʻshimcha ta’til beriladi. Ushbu ta’til yillik mehnat ta’tiliga qoʻshib berilishi yoki ish beruvchi bilan kelishib belgilanadigan davrda ushbu ta’tildan alohida (toʻliq yoхud qismlarga boʻlib), lekin faqat tegishli ish yili davomida foydalanilishi mumkin (MK 401-m.). Bu modda oʻqituvchilarga tegishli emas, deyish notoʻgʻri. Lekin barcha hollarda qonunchilik bilan belgilangan ta’tillarni jamlashda ularning davomiyligi bir ish yili uchun 56 kalendar kundan oshib ketishi mumkin emas (MK 222-m.). Oʻqituvchilarning mehnat ta’tili 56 kunlik uzaytirilgan ta’til boʻlib, u Mehnat kodeksida koʻzda tutilgan ta’tilning maksimal davomiyligi boʻlib chiqadi. Shu sababli 4 kunlik qoʻshimcha ta’tildan foydalanishning imkoni yoʻq.