Mehnat kodeksining 234-moddasi 1-qismiga binoan mehnat shartnomasi bekor qilinganda хodimga foydalanilmagan barcha yillik asosiy va qoʻshimcha ta’tillar uchun pulli kompensatsiya toʻlanadi. Bunda yillik asosiy ta’til olish huquqini beruvchi ish stajiga хodim haqiqatda ishlamagan (MK 226-m.), ammo uning ish joyi (lavozimi) saqlanib qolgan vaqt kiradi. Ushbu qoidadan 2 haftadan ortiq davom etadigan ish haqi saqlanmaydigan ta’til mustasno (SK 226-m. 1-q.)

Agar хodimga 2 haftadan koʻp muddatga ish haqi saqlanmaydigan ta’til rasmiylashtirilsa, uning ish stajidan yillik ta’tilga huquq beruvchi 14 kundan oshadigan kunlar sonini chiqarib tashlash kerak.

Savolda keltirilgan holatda хodim 3 oy toʻliq ishlagan soʻng ish haqi saqlanmaydigan ta’tilga chiqqan, hamda ushbu ta’tildan ishga qaytmasdan ishdan boʻshash toʻgʻrisida ariza yozgan. Demak, хodim ishlagan 3 oy uchun foydalanmagan mehnat ta’tili uchun pullik kompensatsiya olishga haqli.

Mavzuga doim maqolalar:

Ishdan boʻshatishdagi kompensatsiya toʻlovida «ish haqi saqlanmaydigan ta’til»ni hisobga olish