Меҳнат кодексининг 234-моддаси 1-қисмига биноан меҳнат шартномаси бекор қилинганда ходимга фойдаланилмаган барча йиллик асосий ва қўшимча таътиллар учун пулли компенсация тўланади. Бунда йиллик асосий таътил олиш ҳуқуқини берувчи иш стажига ходим ҳақиқатда ишламаган (МК 226-м.), аммо унинг иш жойи (лавозими) сақланиб қолган вақт киради. Ушбу қоидадан 2 ҳафтадан ортиқ давом этадиган иш ҳақи сақланмайдиган таътил мустасно (СК 226-м. 1-қ.)

Агар ходимга 2 ҳафтадан кўп муддатга иш ҳақи сақланмайдиган таътил расмийлаштирилса, унинг иш стажидан йиллик таътилга ҳуқуқ берувчи 14 кундан ошадиган кунлар сонини чиқариб ташлаш керак.

Саволда келтирилган ҳолатда ходим 3 ой тўлиқ ишлаган сўнг иш ҳақи сақланмайдиган таътилга чиққан, ҳамда ушбу таътилдан ишга қайтмасдан ишдан бўшаш тўғрисида ариза ёзган. Демак, ходим ишлаган 3 ой учун фойдаланмаган меҳнат таътили учун пуллик компенсация олишга ҳақли.

Мавзуга доим мақолалар:

Ишдан бўшатишдаги компенсация тўловида «иш ҳақи сақланмайдиган таътил»ни ҳисобга олиш