Oʻrindoshlik asosida ishlash deganda - хodimning oʻzining asosiy ishini bajarishidan tashqari asosiy ishidan boʻsh vaqtida mehnat shartnomasi asosida boshqa haq toʻlanadigan ishni bajarishi, deb хisoblanadi (VM 2012 yil 18 oktyabrdagi 297-son Qarori bilan tasdiqlangan "Oʻrindoshlik asosida hamda bir necha kasbda va lavozimda ishlash tartibi toʻgʻrisida"gi Nizomning 2-bandi, keyingi oʻrinlarda – Nizom deb ataladi).

 Xodim bilan oʻrindoshlik asosida ishlash uchun tuziladigan mehnat shartnomasida Oʻzbekiston Respublikasining Mehnat kodeksida belgilangan talablar bilan birgalikda ish vaqtining davomiyligi majburiy tartibda koʻrsatiladi va bu vaqt ishlab berilishi zarur. Chunki, ish beruvchi har bir хodimning haqiqatda ishlagan ish vaqtini, shu jumladan ish vaqtidan tashqari ishlagan vaqtini oʻz vaqtida aniq hisobga olib borishi shart. Ishlab berilgan vaqt tabel bilan tasdiqlanadi (MKning 125-moddasi).

 Masalan, Oliy oʻquv yurtlari oʻqituvchilari (asosiy ish joyida), bir kun dam olinadigan, olti kunlik ish haftasi va ish vaqtining muddati haftasiga oʻttiz olti soatdan oshmaydigan qilib belgilanadi (MKning 115-,116-, 118-, 120-moddalari).

Oʻrindoshlik asosida ishlashning davomiyligi хodimlarning ushbu toifasi uchun belgilangan ish vaqti normasining yarimidan ortiq boʻlishi mumkin emas (Nizomning 7-, 8- bandlari). Masalan, Xodimning asosiy ish vaqti 6 soat deb olsak, oʻrindoshlikda esa ish vaqti 3-soatdan ortiq boʻlishi mumkin emas.  

Bu holat хodimni asosiy va oʻrindoshlik ishida oʻz vaqtida boʻlishini talab qiladi, chunki хodim oʻz mehnat vazifalarini halol, vijdonan bajarishi, mehnat intizomiga rioya qilishi, ish beruvchining qonuniy farmoyishlarini oʻz vaqtida va aniq bajarishi shartligini bildiradi (MKning 176-moddasi).

Demak, asosiy va oʻrindoshlik shartlaridagi ishlarning orasidagi masofa, albatta yuklatilgan vazifalarni oʻz vaqtida va haqiqatda bajarilishiga sabab boʻladi.