Savolning ID si: 3572
Korхonaning avtotransport boʻlimiga qarashli «MAN» yuk avtomobili yuksiz tirkagichda 100 km masofaga, komissiya a’zolari tomonidan tasdiqlangan yoqilgʻi sarfi me’yorlariga muvofiq 28 l yoqilgʻi sarflaydi, tirkagichning vazni bir tonnaga ortsa, 100 km masofa uchun qoʻshimcha 1,3 l yoqilgʻi sarflanadi. Buхgalter yoqilgʻi sarfini hisoblashda garajdan chiqish va kirishdagi spidometrning koʻrsatkichlari oʻrtasidagi tafovutni hisobga oladi va har bir amalda bosib oʻtilgan 100 km masofa uchun me’yor boʻyicha 28 l, hamda vaznning har bir ortgan tonnasi uchun qoʻshimcha tarzda 1,3 l yoqilgʻi sarfini hisoblaydi. Dispetcher esa «MAN» yuk avtomobilining yuksiz tirkagichda bosib oʻtgan har 100 km masofa uchun 28 l va yuk bilan bosib oʻtilgan har 100 km masofa uchun qoʻshimcha tarzda 1,3 l yoqilgʻi sarfini hisoblaydi.
Masalan, tirkagichli «MAN» yuk avtomobili 350 km masofani bosib oʻtgan, shundan 150 km masofani 25 tonna miqdordagi yuk bilan bosib oʻtgan.
Bu vaziyatda buхgalter quyidagi tarzda hisob-kitob qiladi: (350 km х 28 l) /100 = 98 l, (150km х 25 t х 1,3 l)/100 = 48,75 litr, jami: 146,75 litr (98l + 48,75 l) sarflangan.
Dispetcherning hisob-kitobiga koʻra: yuksiz (200 km х 28 l)/100 = 56 l, yuk bilan (150km х 28l х 1,3 l)/100 = 54,6 l, jami: 110,6 l (56 l + 54,6 l) sarflangan.
Yuk avtomobili uchun yoqilgʻi sarfini qanday toʻgʻri hisoblash mumkin?
Ekspertlarning javoblari:
Tirkagichli yuk avtomobilining yuksiz har 100 km bosib oʻtgan masofasiga 28 l yoqilgʻi sarflansa, yuk ortish koʻpayganda har bir qoʻshimcha tonna yuk uchun yoqilgʻi sarfi 1,3 l ga koʻpaygan taqdirda, hisob-kitob quyidagi tarzda amalga oshiriladi:
(200 km * 28 l)/100 = 56 l, yuksiz 200 km uchun sarf;
(150 km *28 l)/100 = 42 l, yuksiz 150 km uchun sarf;
150 km *(25 t*1,3 l)/100 = 48,75 l, ortilgan yuk 25 tonna boʻlsa, 150 km masofa uchun qoʻshimcha yoqilgʻi sarfi;
56 l + 42 l + 48,75 l = 146,75 l – yoqilgʻining umumiy sarfi.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 