Саволнинг ID си: 3572
Корхонанинг автотранспорт бўлимига қарашли «MAN» юк автомобили юксиз тиркагичда 100 км масофага, комиссия аъзолари томонидан тасдиқланган ёқилғи сарфи меъёрларига мувофиқ 28 л ёқилғи сарфлайди, тиркагичнинг вазни бир тоннага ортса, 100 км масофа учун қўшимча 1,3 л ёқилғи сарфланади. Бухгалтер ёқилғи сарфини ҳисоблашда гараждан чиқиш ва киришдаги спидометрнинг кўрсаткичлари ўртасидаги тафовутни ҳисобга олади ва ҳар бир амалда босиб ўтилган 100 км масофа учун меъёр бўйича 28 л, ҳамда вазннинг ҳар бир ортган тоннаси учун қўшимча тарзда 1,3 л ёқилғи сарфини ҳисоблайди. Диспетчер эса «MAN» юк автомобилининг юксиз тиркагичда босиб ўтган ҳар 100 км масофа учун 28 л ва юк билан босиб ўтилган ҳар 100 км масофа учун қўшимча тарзда 1,3 л ёқилғи сарфини ҳисоблайди.
Масалан, тиркагичли «MAN» юк автомобили 350 км масофани босиб ўтган, шундан 150 км масофани 25 тонна миқдордаги юк билан босиб ўтган.
Бу вазиятда бухгалтер қуйидаги тарзда ҳисоб-китоб қилади: (350 км х 28 л) /100 = 98 л, (150км х 25 т х 1,3 л)/100 = 48,75 литр, жами: 146,75 литр (98л + 48,75 л) сарфланган.
Диспетчернинг ҳисоб-китобига кўра: юксиз (200 км х 28 л)/100 = 56 л, юк билан (150км х 28л х 1,3 л)/100 = 54,6 л, жами: 110,6 л (56 л + 54,6 л) сарфланган.
Юк автомобили учун ёқилғи сарфини қандай тўғри ҳисоблаш мумкин?
Экспертларнинг жавоблари:
Тиркагичли юк автомобилининг юксиз ҳар 100 км босиб ўтган масофасига 28 л ёқилғи сарфланса, юк ортиш кўпайганда ҳар бир қўшимча тонна юк учун ёқилғи сарфи 1,3 л га кўпайган тақдирда, ҳисоб-китоб қуйидаги тарзда амалга оширилади:
(200 км * 28 л)/100 = 56 л, юксиз 200 км учун сарф;
(150 км *28 л)/100 = 42 л, юксиз 150 км учун сарф;
150 км *(25 т*1,3 л)/100 = 48,75 л, ортилган юк 25 тонна бўлса, 150 км масофа учун қўшимча ёқилғи сарфи;
56 л + 42 л + 48,75 л = 146,75 л – ёқилғининг умумий сарфи.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 