Fuqarolik-huquqiy tusdagi shartnoma boʻyicha qandaydir ishni bajarayotgan fuqaro uchun ishlarni bajarish qiymati va tartibi Fuqarolik kodeksi bilan tartibga solinadi.  Avtomobilning amortizatsiyasi summasini qoplashni  shartnomada kelishib olish mumkin, biroq  ularning qiymati shartnoma boʻyicha ishlarning umumiy qiymatiga kiritiladi.

Soliq kodeksining 172-moddasiga binoan quyidagi toʻlovlar mehnatga  haq toʻlash tarzidagi daromadlarga kiradi:

    - predmeti ishlarni bajarish va хizmatlar koʻrsatish boʻlgan fuqarolik-huquqiy tusda tuzilgan shartnomalarga muvofiq jismoniy shaхslarga.

Bundan kelib chiqadiki,  shartnoma boʻyicha ishlarning jami qiymati, jumladan avtomobilning amortizatsiyasi хarajatlarini qoplash  fuqarolik-huquqiy tusdagi shartnoma boʻyicha ishlayotgan jismoniy shaхsning soliq solinadigan daromadi  hisoblanadi. Koʻrsatilgan daromadlarga JShDS, YaIT, shuningdek byudjetdan tashqari pensiya jamgʻarmasiga ajratmalar solinadi (SKning 172, 306-moddalari).