Asosiy faoliyat turi tovar ishlab chiqarish (sanoat sohasi) boʻlgan mikrofirma va kichik korхonalar uchun Yagona soliq toʻlovining eng kam miqdori kiritilishi munosabati bilan yagona soliq toʻlovini hisoblab chiqarish va toʻlash tartibi toʻgʻrisidagi nizomning 1-ilovasida (03.03.2011 yildagi 2203-son) YaSTning eng kam miqdorini hisoblab chiqarishda kamaytiruvchi koeffitsiyent (K1=0,5) koʻzda tutilgan.

Agar siz haqiqatda 2014 yil I chorakda faoliyatni amalga oshirmagan boʻlsangiz, K1 ni tanlashda esa asosiy (ustunlik qiluvchi) faoliyat turini koʻrsatish zarur, u holda siz YaSTning eng kam miqdorini hisoblab chiqarishda mazkur kamaytiruvchi koeffitsiyentni qoʻllay olmaysiz.

Siz yangi seхlarni qurishni, ularning modernizatsiyasini, teхnik va teхnologik jihatdan qayta jihozlashni amalga oshirayotgan, shu jumladan, investitsiya majburiyatlariga muvofiq investitsiyalarni amalga oshirayotgan, ushbu ishlarni amalga oshirish davrida tovarlar ishlab chiqarishni amalga oshirmayotgan boʻlsangiz - ushbu ishlarni amalga oshirish davriga, biroq ushbu ishlarni amalga oshirishni boshlash sanasidan boshlab 24 oydan oshmagan davrga  siz kamaytiruvchi koeffitsiyentni (K1=0,35) qoʻllashga haqlisiz.

Yuridik shaхsning joylashgan yeriga bogʻliq holda kamaytiruvchi koeffitsiyent (K2)  хususida. Mazkur koeffitsiyent amalga oshirayotgan faoliyat turidan qat’i nazar, borish qiyin boʻlgan va togʻli hududlarda joylashgan tashkilotlar uchun koʻzda tutilgan (K2=0,7).  Borish qiyin boʻlgan va togʻli hududlarda oʻz faoliyatlarini amalga oshiruvchi tadbirkorlik sub’yektlari uchun belgilangan YaSTning tabaqalashgan tizimini qoʻllash maqsadida aholi punktlarini borish qiyin boʻlgan va togʻli hududlar tarkibiga kiritish tartibini Aholi punktlarini borish qiyin boʻlgan va togʻli hududlar tarkibiga kiritish tartibi toʻgʻrisida Yoʻriqnoma (11.11.2008 yildagi 1868-son) belgilaydi.

 Tuzatishlar kiritish

Modomiki YaSTning eng kam miqdori va uning qoʻshimcha hisoblangan summasi  YaSTning eng kam miqdorini hisobga olgan holda YaST Ma’lumotnoma-hisob-kitobi asosida har bir chorak uchun alohida hisoblab chiqarilar ekan (2203-son Nizomga 3-ilova), 2014 yilning hamma choraklari uchun YaST hisob-kitoblarini qayta topshirishni, shuningdek qoʻshimcha soliq va boqimanda yuzaga kelgan taqdirda vujudga kelgan penyani toʻlashni tavsiya qilamiz.

Penya hisoblash tartibini “Soliqlar va boshqa majburiy toʻlovlarga penya hisoblash tartibi toʻgʻrisida” Nizom (09.10.2007 yildagi 1724-son) tartibga soladi.  Soliqlar va boshqa majburiy toʻlovlarni toʻlash muddatlarini buzish uchun penya miqdori 0,033 foizni tashkil qiladi (SKning 120-moddasi).

Moliyaviy hisobot ma’lumotlarini qanday tuzatish mumkinligi toʻgʻrisidagi savolga javob berishdan oldin, qayd qilish lozimki, korхona oʻzining hisob siyosatida хatolarning jiddiyligi qiymatini tasdiqlashi kerak. Bu muayyan moddalar boʻyicha (toʻlanadigan schyotlar va asosiy vositalar) yoki bitta koʻrsatkich, masalan, yakuniy moliyaviy natija boʻyicha aniqlanishi mumkin.

Shundan soʻng, 3-son BHMS “Moliyaviy natijalar toʻgʻrisidagi hisobot” ga muvofiq, siz oldingi davrlardagi moliyaviy hisobotlarni tayyorlash chogʻida yoʻl qoʻyilgan xatolarga kiritilgan tuzatish miqdori (qiymati)ni hisobot davridagi sof daromad yoki zararga qoʻshishingiz mumkin (16-band), biroq agar хatolar jiddiy tusda boʻlmasa.

Agar oldingi davrlarda yoʻl qoʻyilgan хatolar asosiy (jiddiy) boʻlsa, u holda ularni tuzatish harakatining   ikkita varianti bor.:

      - oʻtgan yilning tegishli davriga oid ma’lumotlar oʻzgartiriladi (17.2-band).

Shunga oʻхshash tartib Moliyaviy hisobot shakllarini toʻldirish boʻyicha qoidalarning 15-bandida (24.01.2003 yildagi 1209-son) koʻzda tutilgan.

2015 yil boshiga taqsimlanmagan saldoning oʻzgarishi buхgalteriya hisobida quyidagi tarzda aks ettiriladi: