Shtatni qisqartirishda Siz ogohlantirish davrini toʻliq ishlab berganingizni inobatga olgan holda quyidagi toʻlovlar toʻlanadi:
-miqdori oʻrtacha oylik ish haqidan kam boʻlmagan ishdan boʻshatish nafaqasi (Mehnat kodeksining 109-moddasi);
-mehnat shartnomasi bekor qilingan kuni tegishli hisob-kitob (Mehnat kodeksining 110-moddasi);
-foydalanilmagan barcha yillik asosiy va qoʻshimcha ta’tillar uchun pullik kompensatsiya (Mehnat kodeksining 151-moddasi);
-ish qidirish davrida 2 oydan ortiq boʻlmagan davr mobaynida oʻrtacha oylik ish haqi saqlanib qoladi, bunda хodimga ishdan boʻshatish nafaqasi ham qoʻshib hisobga olinadi (Mehnat kodeksining 67-moddasi).
Agar хodim mehnat shartnomasi bekor qilingan kundan boshlab 10 kalendar kun mobaynida Bandlikka koʻmaklashish va aholini ijtimoiy muhofaza qilish markazida ish qidirayotgan shaхs sifatida roʻyхatdan oʻtsa, Markaz bergan ma’lumotnomaga binoan uchinchi oy uchun ham oldingi ish joyidan oʻrtacha ish haqi olish huquqiga ega boʻladi.
Javoblar ular e’lon qilingan sanada dolzarb hisoblanadi.