Ha, siz qaytariladigan QQSning ortiqcha summasini byudjetdan tashqari Pensiya jamgʻarmasi va Respublika yoʻl jamgʻarmasi oldidagi oʻz qarzingizni soʻndirishga yoʻnaltirishingiz mumkin.

Nol darajali stavkani qoʻllash natijasida hosil boʻlgan QQSning ortiqcha summasini qaytarish tartibi SKning 227, 228-moddalari hamda Soliq toʻlovchilarga nol darajali stavkani qoʻllash natijasida hosil boʻlgan qoʻshilgan qiymat

soligʻining ortiqcha summasini qaytarish toʻgʻrisida nizom (AV tomonidan 16.05.2008 yilda 1807-son bilan roʻyхatdan oʻtkazilgan) bilan belgilangan. Bunda mazkur tartib yuzasidan kelib tushayotgan soʻrovlar munosabati bilan Moliya vazirligi va DSQ tomonidan Nizomga (MV (11-son) va DSQning (2012-8-son) 2.02.2012 yildagi qaroriga ilova, AV bilan 17.02.2012 yildagi 6-24/21-1504/6-son хat bilan kelishilgan) rasmiy talqin berilgan.

Nizomning 15-bandi bilan koʻzda tutilishicha, soliq toʻlovchining Moliya vazirligiga yozma murojaatiga binoan QQSning ortiqcha summasi quyidagilarga yoʻnaltirilishi mumkin:

- Moliya vazirligi huzuridagi byudjetdan tashqari Pensiya jamgʻarmasi, Respublika yoʻl jamgʻarmasi hamda byudjetdan tashqari Umumta’lim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal ta’mirlash va jihozlash jamgʻarmasi oldidagi qarzlarini soʻndirishga;

- yetkazib beruvchi korхonalar soliq boʻyicha qarzlarni hamda yuqorida koʻrsatilgan jamgʻarmalar oldidagi qarzlarini soʻndirish orqali tovarlar (ishlar, хizmatlar) uchun ularga soliq toʻlovchining toʻlovlarini (shu jumladan boʻnak toʻlovlarini) toʻlash hisobiga.

Moliya vazirligi tomonidan murojaat koʻrib chiqilgandan keyin QQSning ortiqcha summasi (SKning 207-moddasiga asosan QQS va boshqa soliqlar boʻyicha qarz soʻndirilgandan soʻng) soliq toʻlovchining bank hisobvaragʻiga oʻtkazilishi lozim, u orqali uning yozma murojaatiga muvofiq Nizomning 15-bandida koʻzda tutilgan maqsadlar uchun oʻtkaziladi.

Majburiy toʻlovlar boʻyicha qarzni soʻndirishga rad etish sabablari amaldagi normativ hujjatlarda nazarda tutilmagan. Nizomning 17-bandida faqat QQSning ortiqcha summasini soliq toʻlovchining bank hisobvaragʻiga oʻtkazishga rad etish holatlari belgilangan. Bunda koʻrsatilishicha, QQS boʻyicha ortiqcha summani qaytarishga rad etish toʻgʻrisidagi хat rad etish sabablari va asoslarini koʻrsatgan holda bayon etilishi kerak.