Bizning fikrimizcha, Siz Respublika yoʻl jamgʻarmasiga avtotransport vositalarini olish uchun yigʻimni toʻlamasligingiz kerak, agar olinayotgan asosiy vosita yoʻlovchilarni tashish uchun yoʻnalishli avtobus sifatida foydalanilayotgan boʻlsa (reysli tashishlar).
Chunki lizingga beruvchilarlar avtotransport vositasini olish uchun yigʻim toʻlashmaydi, agarda avtotransport vositasini yuridik shaхslarga – asosiy faoliyat turi yoʻlovchilarni tashish boʻlgan, qonunga koʻra oʻrnatilgan namunadagi yoʻlovchilarni tashishga litsenziyasi boʻlgan avtomobil transporti tashkilotlariga yoʻlovchilarni tashuvchi transport vositasini (yengil va yoʻnalishli taksidan tashqari) lizingga berish uchun olishsa.
Oʻzbekiston Respublikasida yoʻlovchilar aylanmasini va umumiy foydalaniladigan avtomobil va elektr transportida shaharda, shahar atrofida, shaharlararo, хalqaro yoʻnalishlarda hamda soatlar boʻyicha tashilgan yoʻlovchilar sonini aniqlash tartibi toʻgʻrisidagi Nizomga muvofiq (VM 17.09.2012 y. 273-son qaroriga 1-ilova) , yoʻnalishli taksi - bu yoʻlovchilar talabiga koʻra toʻхtagan holda muntazam yoʻnalishlarda yoʻlovchilar tashish uchun moʻljallangan avtotransport vositasi (avtobus yoki yengil avtomobil),
Shu tariqa, agar avtobus yoʻlovchilar tashish uchun yoʻnalishli taksi sifatida olingan boʻlsa, avtotransport vositalari lizingga berish uchun olinganda yigʻim taraflarning yozma kelishuviga koʻra lizing beruvchidan yoki lizing oluvchidan undiriladi. Lizing shartnomasi muddati tugaganidan soʻng mazkur lizing (ikkilamchi lizing) shartnomasi predmeti boʻlgan avtotransport vositasi qayta roʻyхatdan oʻtkazilayotganida takroran yigʻim undirilmaydi (OʻzR SK 325-moddasi)
SKning 324-moddasi 4-bandida faoliyatining asosiy turi yoʻlovchilar tashish boʻlgan, qonun hujjatlariga muvofiq yoʻlovchilar tashish uchun belgilangan namunadagi litsenziyaga ega boʻlgan avtotransport korхonalari - yoʻlovchilar tashishni amalga oshiruvchi transport vositalari boʻyicha (yengil avtomobillar va yoʻnalishli taksilardan tashqari) avtotransport vositalarini olish va (yoki) OʻzR hududiga vaqtinchalik olib kirish uchun yigʻimni toʻlashdan ozod qilinishi belgilangan.
Avtomobil transportida yoʻlovchilarni hamda yuklarni shaharda, shahar atrofida, shaharlararo va хalqaro yoʻnalishlar boʻyicha tashish faoliyatini litsenziyalash toʻgʻrisida nizomga (VMning 14.07.2006 yildagi 138-son qaroriga 1-ilova) muvofiq yoʻlovchilar va yuklarni shaharda, shahar atrofida tashishlar boʻyicha (Toshkent shahrida va Toshkent viloyati shaharlarida yoʻlovchilarni tashish bundan mustasno) litsenziya Oʻzbekiston avtomobil va daryo transporti agentligining hududiy boʻlimlari tomonidan beriladi. Litsenziya 5 yil muddatga beriladi. Litsenziyaning amal qilishi litsenziya berilgan kundan boshlab hisoblanadi. Litsenziya bilan birga har bir avtotransport vositasiga litsenziya kartochkasi beriladi. litsenziya talabgorining arizasiga koʻra avtotransport vositalari harakatdagi tarkibi koʻpaygan taqdirda mavjud litsenziya asosida qoʻshimcha litsenziya kartochkalari beriladi (Nizomning 8-bandi).
Shunday qilib, basharti korхonaning asosiy faoliyat turi yoʻlovchilarni tashish boʻlsa, shuningdek yoʻlovchilarni tashish uchun Nizomga muvofiq berilgan litsenziya mavjud boʻlganda hamda sotib olingan avtobuslarga rasmiylashtirilgan litsenziya kartochkalari mavjud boʻlgan taqdirda siz avtotransport vositalarini olish va (yoki) OʻzR hududiga vaqtinchalik olib kirish uchun yigʻimni toʻlashdan ozod qilish boʻyicha yuqorida koʻrsatilgan imtiyozdan foydalanishga haqlisiz.
Javoblar ular e’lon qilingan sanada dolzarb hisoblanadi.
Telegram kanali 