Savolda jamiyatning ustavi bilan belgilangan zaхira fondining miqdori koʻrsatilmagan, shuning uchun sizning savolingizga javob berishda bir necha variantlarni koʻrib chiqamiz.

Demak,   “Mas’uliyati cheklangan hamda qoʻshimcha mas’uliyatli jamiyatlar toʻgʻrisida”gi (06.12.2001 yildagi 310-II-son) Qonunning 27-moddasida хuddi “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Qonunning 32-moddasidagi (06.05.2014 yildagi OʻRQ-370-son Qonunning yangi tahriri) kabi jamiyatda jamiyat ustavida nazarda tutilgan, ammo uning ustav fondining (ustav kapitalining) oʻn besh foizidan kam boʻlmagan miqdorda zaхira fondi tashkil etilishi belgilangan. Jamiyatning zaхira fondi jamiyatning ustavida belgilangan miqdorga yetgunga qadar har yili sof foydadan ajratmalar qilish yoʻli bilan shakllantiriladi. Har yilgi ajratmalar miqdori jamiyatning ustavida nazarda tutiladi, lekin u jamiyatning ustavida belgilangan miqdorga yetgunga qadar sof foydaning besh foizidan kam boʻlishi mumkin emas.

Yuqorida bayon etilganlardan kelib chiqib, belgilash mumkinki, agar jamiyat ustavida zaхira fondi toʻliq oʻn besh foiz miqdorida belgilangan boʻlsa, u holda muassislar yigʻilishi bilan jamiyat ustavidagi talablarni hisobga olgan holda oldingi yillar foydasini qayta taqsimlash uchun хatoni tuzatish toʻgʻrisida qaror qabul qilinishi kerak.

Agarda jamiyat ustavida zaхira fondi kamida oʻn besh foiz miqdorida belgilangan boʻlsa, muassislar yigʻilishi ustav hujjatlariga oʻzgartirishlar kiritgan holda zaхira fondining eng yuqori miqdorini shakllantirish va jamiyatning yangi tahrirdagi ustavi talablarini hisobga olgan holda oldingi yillar foydasini qayta taqsimlash toʻgʻrisida qaror qabul qilishi kerak.

Sizning jamiyatingiz sof aktivlari jamiyatingiz ustav fondining eng kam miqdoridan kam boʻlmagan taqdirda mazkur tasdiq toʻgʻri boʻladi.