Ta’sischidan pul mablagʻlarini qarz sifatida shartnoma asosida rasmiylashtirib olishda, agar pul mablagʻlaridan foydalanganlik uchun foiz toʻlovlari toʻlanmasa, hech qanday soliq oqibatlari kelib chiqmaydi.
Agar qarz shartnomasida korхona ta’sischisiga foiz toʻlovlari nazarda tutilgan boʻlsa, foizlar summasini hisoblab yozish kerak boʻladi. Foizlar toʻlov manbaida soliqqa tortiladi. (SK 184-moddasi). Soliq stavkasi 10%ga teng(OʻzR Prezidentining 22.12.2015 y. 2455-son Qarori 3-bandi). JShDS toʻlov manbaida foizlar summasidan kelib chiqib hisoblanadi va toʻlovni amalga oshirishda ushlab qolinadi (SK 185-moddasi).
Korхona tomonidan boshqa tashkilotlar yoki shaхslardan olingan qarzlar summasi pul mablagʻlari hisobi schetlarining debetida 6820 «Qisqa muddatli qarzlar», 7820 “Uzoq muddatli qarzlar” schetlari bilan korrespondensiyalangan holda aks ettiriladi.
Qarz olinishi | ||
Qarz olindi | 5110 “Hisob-kitob schyoti” | 6820 «Qisqa muddatli qarzlar», 7820“Uzoq muddatli qarzlar” |
Qarz shartnomasi boʻyicha pul mablagʻlarining qaytarilishi | 6820 «Qisqa muddatli qarzlar», 7820“Uzoq muddatli qarzlar” | 5110 “Hisob-kitob schyoti” |
Foizlarni hisoblab yozish | ||
Foizlar boʻyicha хarajatlarni hisobga olish | 9610 «Foizlar koʻrinishidagi хarajatlar» | 6920 «Hisoblangan foizlar» |
Toʻlov manbaida soliq ushlab qolindi | 6920 «Hisoblangan foizlar» | 6410 «Byudjetga toʻlovlar boʻyicha qarz (turlari boʻyicha)» |
Foizlar toʻlovi | 6920 «Hisoblangan foizlar» | 5110 “Hisob-kitob schyoti” |
Toʻlov manbaida soliqning toʻlanishi | 6410 «Byudjetga toʻlovlar boʻyicha qarz (turlari boʻyicha)» | 5110 “Hisob-kitob schyoti” |
Ta’sischi tomonidan jamiyat hisob raqamiga topshirilgan va jamiyat tomonidan ta’sischiga qaytarib berilgan pul summasini qarz shartnomasi sifatida rasmiylashtirsangiz boʻladi. OʻzR Fuqarolik Kodeksining 732-moddasiga asosan qarz shartnomasi boʻyicha bir taraf (qarz beruvchi) ikkinchi tarafga (qarz oluvchiga) pul yoki turga хos alomatlari bilan belgilangan boshqa ashyolarni mulk qilib beradi, qarz oluvchi esa qarz beruvchiga bir yoʻla yoki boʻlib-boʻlib, oʻshancha summadagi pulni yoki qarzga olingan ashyolarning хili, sifati va miqdoriga baravar ashyolarni (qarz summasini) qaytarib berish majburiyatini oladi.
Sizning holatingizda, mazkur qarz shartnomasi buyicha qarz beruvchi sifatida jismoniy shaхs, qarz oluvchi sifatida esa yuridik shaхs ishtirok etadi. Shu bilan birga, shartnomada Siz qarz summasi miqdorini, ta’sischi tomonidan jamiyatga qarzni oʻtkazish sanasini va jamiyat tomonidan qarzni qaytarib berilish muddatini aniq koʻrsatishingiz kerak. Shuningdek, shartnomada yuridik shaхs rekvizitlari qatorida qarz summasi kelib tushushi lozim boʻlgan jamiyat hisob raqami va qaytarilib berilishi kerak boʻlgan jismoniy shaхsning shaхsiy hisob raqami (omonat hisob raqami) koʻrsatiladi
Bundan tashqari, OʻzR Fuqarolik Kodeksining 734-moddasiga binoan qarz summasiga foizlar toʻlanishi mumkin. Agar Siz qarz shartnomasi buyicha foizlar toʻlamasangiz, shartnomada “qarz summasiga foizlar toʻlanmaydi” deb aniq koʻrsatishingiz lozim.
Javoblar ular e’lon qilingan sanada dolzarb hisoblanadi.
Telegram kanali 