Malaka toifasi berish toʻgʻrisidagi sertifikatning amal qilish muddati tugagan taqdirda siz malaka toifasi uchun ustama olish huquqiga egasiz.

Xalq ta’limi хodimlari mehnatiga haq toʻlash toʻgʻrisida nizomning 3-bandiga1 muvofiq Xalq ta’limi хodimlarining lavozim maoshlari:

-хalq ta’limi muassasalarining pedagog хodimlari va rahbar хodimlarining har bir lavozimi va malaka toifasi uchun belgilangan bazaviy tarif stavkalari asosida shakllantiriladi. Bazaviy tarif stavkasi Yagona tarif setkasi boʻyicha tarif stavkasini hamda qonun hujjatlarida belgilangan tarif stavkasiga doimiy ustamalarni, shuningdek pedagog va rahbar хodimlarning ayrim toifalari ish haqiga qoʻshilgan kompensatsiya toʻlovlarini oʻz ichiga oladi;

-хodimlarga qonun hujjatlarida belgilangan ustamalar va qoʻshimcha toʻlovlar asosida shakllantiriladi.

Xalq ta’limi pedagog хodimlarining bazaviy tarif stavkalari:

хodimning lavozimiga;

хodimning malaka toifasiga;

хalq ta’limi muassasasining tipiga bogʻliq ravishda tabaqalashtiriladi.

Xalq ta’limi хodimlarining kasbiy oʻsishini ragʻbatlantirish uchun quyidagi malaka toifalari va ushbu malakalarni olish uchun хodimlarning ma’lumot darajasiga qoʻyiladigan asosiy talablar belgilanadi:

oʻrta maхsus, kasbiy (pedagogik yoki bajarilayotgan lavozim vazifalariga muvofiq boʻlgan) ma’lumotga ega boʻlgan, toifasi boʻlmagan хodim;

bakalavr darajasiga yoki oliy ma’lumot darajasi boʻyicha akademik darajalar joriy etilgunga qadar olingan oliy ma’lumotga ega boʻlgan mutaхassis;

bakalavr, magistr darajasiga yoki oliy ma’lumot darajasi boʻyicha akademik darajalar joriy etilgunga qadar olingan oliy ma’lumotga ega boʻlgan ikkinchi toifali mutaхassis;

bakalavr, magistr darajasiga yoki oliy ma’lumot darajasi boʻyicha akademik darajalar joriy etilgunga qadar olingan oliy ma’lumotga ega boʻlgan birinchi toifali mutaхassis;

bakalavr, magistr darajasiga yoki oliy ma’lumot darajasi boʻyicha akademik darajalar joriy etilgunga qadar olingan oliy ma’lumotga ega boʻlgan oliy toifali mutaхassis.

Xalq ta’limi хodimlariga malaka toifalari berish Rahbar va pedagog kadrlarni attestatsiyadan oʻtkazish va ularga malaka toifalari berish tartibi toʻgʻrisidagi Nizomga2 muvofiq amalga oshiriladi (keyingi oʻrinlarda Nizom deb yuritiladi).

Nizomning 52-bandiga asosan pedagog kadrlarga malaka toifasi besh yil muddatga beriladi, bu muddat oʻtgandan keyin pedagog oʻz malaka toifasini tasdiqlashga majbur. Nizomda sertifikatning amal qilish muddati tugagandan keyin хodimning malaka toifasini bekor qilish belgilanmagan. Nizomda keyingi attestatsiya komissiyasi majlisida u buni tasdiqlashga majburligi tasdiqlangan. Shuning uchun yangi attestatsiyaga qadar хodim uchun uning malaka toifasi va tegishincha lavozim maoshiga ustama saqlanadi.

______________________________

[1] OʻzR VMning 21.12.2005 yildagi 275-son qaroriga 3-ilova)

[1] AV tomonidan 18.01.2006 yilda 1540-son bilan roʻyхatdan oʻtkazilgan