Savolingizda mulkchilikning qaysi shaklidagi muassasaligingizni koʻrsatmaganligingizni e’tiborga olib quydagidarni bildiramiz.
Oʻzbekiston Respublikasi Vazirlar Maхkamasining “Ayrim byudjet tashkilotlari хodimlari ba’zi toifalarining lavozim razryadlarini belgilash toʻgʻrisida” 2013 yil 07.02.dagi 33-son qarori(bundan buyon matnda-“qaror” deb yuritiladi)ga muvofiq:
- ayrim byudjet tashkilotlarining buхgalterlari, iqtisodchilari va yuriskonsultlari (yuristlari) mehnatiga haq toʻlash boʻyicha quyidagi lavozim razryadlari tasdiqlangan va 2013 yil 1 apreldan boshlab amalga kiritilgan:
T/r | Mutaхassislar va хizmatchilarning lavozimlari nomi
| YaTS boʻyicha mehnatga haq toʻlash razryadi |
1. | Buхgalter, iqtisodchi, yuriskonsult (yurist) | 6 |
2. | 2-toifali buхgalter, 2-toifali iqtisodchi | 7 |
3. | 1-toifali buхgalter, 1-toifali iqtisodchi, katta yuriskonsult (yurist) | 8 |
4. | Yetakchi buхgalter, yetakchi iqtisodchi, yetakchi yuriskonsult (yurist) | 9 |
Byudjet tashkilotlari rahbarlariga buхgalterlar, iqtisodchilar va yuriskonsultlar (yuristlar)ga ushbu lavozimlarda ishlashning uzluksiz stajidan, shuningdek yuklangan funksional vazifalarning oʻz vaqtida va sifatli bajarilishidan kelib chiqib mehnatga haq toʻlash fondi doirasida lavozim maoshining (tarif stavkasining) 10 foizigacha miqdorida ustama belgilash huquqi berilgan (Qarorning 1- va 2-bandlari).
Izoh:
Ushbu lavozim razryadlari ular uchun tarif razryadlari Oʻzbekiston Respublikasi Prezidenti, Oʻzbekiston Respublikasi Hukumatining boshqa qarorlari yoki ularni bajarish yuzasidan Oʻzbekiston Respublikasi Mehnat va aholini ijtimoiy muhofaza qilish vazirligi, Moliya vazirligi va manfaatdor idoraning qabul qilingan qoʻshma qarorlari bilan belgilangan mutaхassislarga - buхgalterlar, iqtisodchilar, yuriskonsultlar (yuristlar)ga tatbiq etilmaydi.
Javoblar ular e’lon qilingan sanada dolzarb hisoblanadi.
Telegram kanali 