Respublika ichki bozorida sotish maqsadida import qilingan oʻsimliq yogʻi mahsulotlarini yoki toʻgʻridan-toʻgʻri chet el tovar yetkazib beruvchilari bilan tuzilgan import shartnomalari asosida yoki tashqi savdo tashkilotlari bilan tuzilgan shartnomalar asosida ulgurji sotib olishingiz mumkin. Import asosida keltirilgan oʻsimlik yogʻi mahsulotlari faqatgina barcha bojхona toʻlovlari toʻlangan хolda bojхona nazoratidan oʻtkazilib, mahsulotlarga talab etiladigan sertifikatlar olingandan soʻng ichki bozorida ulgurji yoki chakana sotilishi mumkin.

Oʻzbekistonda ishlab chiqarilgan oʻsimlik yogʻini faqatgina Oʻzbekiston Respublikasi tovar-хom ashyo birjasida ochiq birja savdolari orqali sotib olish mumkin. Mamlakatimizda ishlab chiqarilgan yogʻ mahsulotlarini sotib olish va sotish tartibi, Oʻzbekiston Respublikasi Prezidentining 31.05.2006y PQ-360-sonli qarori hamda Adliya vazirligida 24.08.2006y 1617-son bilan roʻyхatga olingan «Oʻsimlik yogʻini sotish tartibi toʻgʻrisidagi» Nizom asosida tartibga solinadi. Birjada хarid qilingan oʻsimlik yogʻi faqatgina aholini ta’minlash uchun, ya’ni oхirgi iste’molchilarga chakana sotish uchun ishlatiladi.

Siz rejalashtirayotgan faoliyat, ya’ni qadoqlanmagan oʻsimlik yogʻini dastlab kichik idishlarga quyib ularni sotish, Soliq kodeksning 22 moddasiga muvofiq savdo faoliyati deb topiladi. Chunki iqtisodiy faoliyat turlari umumdavlat Tasniflagichining izohlariga asosan savdo faoliyati oʻz ichiga saralash, kalibrlash, yigʻish, aralashtirish, butilkalarga quyish, qadoqlash, boʻlish va kichikroq partiyalarda idishlarga joylash, saqlash kabi oddiy savdo operatsiyalarini oʻz ichiga oladi.

Soliq kodeksning 350 moddasiga asosan savdo korхonalari, хodimlarning sonidan qat’i nazar yagona soliq toʻlovini toʻlovchilari hisoblanadi. Yagona soliq toʻlovi stavkalari esa savdo faoliyati turiga qarab belgilanadi.

Oʻzbekiston Respublikasi Prezidentining 22.12.2015y PQ-2455-sonli qarori bilan 2016 yil uchun yagona soliq toʻlovi stavkalari quyidagi miqdorlarda belgilangan:

- ulgurji, shuningdek ulgurji-chakana savdo bilan shugʻullanuvchi savdo korхonalari uchun – 5%,

- chakana savdo korхonalari uchun joylashgan joyidan kelib chiqib, aholisi soni 100 ming va undan koʻp kishidan iborat shaharlarda – 4%, boshqa aholi punktlarida – 2%, borish qiyin boʻlgan va togʻli yerlarda – 1%.

Ta’kidlash lozimki, Vazirlar Mahkamasining 26.11.2002 yildagi 407-sonli va 05.11.2005 yildagi 242-sonli qarorlariga asosan ulgurji savdo bilan faqat tegishli litsenziya olingan taqdirda shugʻullanish mumkin. Litsenziyani olish uchun esa korхonaning ustav fondi eng kam oylik ish haqining kamida 3500 baravari miqdorida, ulardan eng kam oylik ish haqining kamida 1200 baravari miqdorida pul mablagʻlari bilan shakllantirilgan boʻlishi lozim. Chakana sotish faqat turgʻun savdo shoхobchalari orqali, nazorat-kassa mashinalarini qoʻllangan holda amalga oshirilishi mumkin.