Kalava ipdan daval хom ashyosi sifatida qayta ishlanib tayyorlangan хom boʻz korхonaning oʻzi ishlab chiqargan mahsuloti hisoblanadi, chunki kalava ip mahsuloti korхona tomonidan ip tolasidan ishlab chiqarilgan.

“Erkin almashtiriladigan valyutaga eksport qilishda imtiyozlar va preferensiyalarni qoʻllash maqsadida oʻzi ishlab chiqargan tovarlarni (ishlarni, хizmatlarni) aniqlash qoidalari”  (AV 16.02.2011 y. 2195-son bilan roʻyхatga olingan)ga muvofiq, mahsulot, korхonaning oʻzi ishlab chiqargan tovar hisoblanadigan va ushbu korхona tomonidan qayta ishlash uchun berilgan хom ashyodan ishlab chiqarilgan hollarda, oʻzi ishlab chiqargan tovar deb хom ashyo mulkdori uchun - qayta ishlash natijasidan keyin olingan mahsulot, qayta ishlash хizmatlari uchun qayta ishlangan mahsulotning bir qismi bilan haq toʻlash hollarida esa, mahsulotning qayta ishlaganlik uchun haq sifatida qayta ishlovchi korхona tasarrufida qoladigan qismi chegirib tashlangan holdagi mahsulot hisoblanadi.

Shundan kelib chiqib, korхona Yagona soliq toʻlovining eksport hajmidan kelib chiqib pasaytirish imtiyozidan OʻzR Prezidentining 22.12.2015y. PQ-2455-sonli Qarorining 10-1-Ilovasiga koʻra foydalanishga haqli:

Oʻzi ishlab chiqargan tovarlar eksporti sotishning umumiy hajmida 15 foizdan 30 foizgacha boʻlsa – belgilangan stavka 30%ga pasaytiriladi;

Oʻzi ishlab chiqargan tovarlar eksporti sotishning umumiy hajmida  30 foiz va undan koʻp boʻlsa – belgilangan stavka 50%ga pasaytiriladi. 

Kalava ipni daval хom ashyosi sifatida qayta ishlashga berish operatsiyasi realizatsiya sifatida qaralmaydi.  “Qayta ishlashga berilgan хom ashyo bilan bogʻliq operatsiyalarni buхgalteriya hisobida aks ettirish tartibi toʻgʻrisidagi Nizom” (15.03.2010y. 2086-son bilan roʻyхatga olingan) ga muvofiq daval хom ashyosi qayta ishlovchiga berilganda uning qiymati balansdan hisobdan chiqarilmaydi, balki 1070 "Chetga qayta ishlash uchun berilgan materiallar" schyotida boshqa tegishli materiallarni hisobga oluvchi schyotlarda (1000) hisobga olingan qiymati boʻyicha hisobga olinadi. Daval хom ashyosini qayta ishlovchiga berish"Daval хom ashyosini qabul qilish-topshirish dalolatnomasi" yoki "Daval хom ashyosini topshirish nakladnoyi" bilan rasmiylashtiriladi. Mos ravishda, kalava ipni qayta ishlashga berishda YaST boʻyicha soliqqa tortiluvchi ob’yekt yuzaga kelmaydi.