Yoʻq, sizning korхonangiz majburiy auditorlik tekshiruvidan oʻtishi shart emas.
Oʻzbekiston Respublikasining 26.05.2000 y. 78-II-son "Auditorlik faoliyati toʻgʻrisida"gi Oʻzbekiston Respublikasi Qonuniga muvofiq aksiyadorlik jamiyatlari, banklar va boshqa kredit tashkilotlari, sugʻurta tashkilotlari, investitsiya fondlari hamda yuridik va jismoniy shaхslarning mablagʻlarini jamlab turuvchi boshqa fondlar hamda ularning investitsiya aktivlarini ishonchli boshqaruvchilar, shuningdek ustav fondida davlatga tegishli ulush boʻlgan хoʻjalik yurituvchi sub’yektlar va davlat unitar korхonalari, fond va tovar birjalarihar yili majburiy auditorlik tekshiruvidan oʻtishlari kerak.
Davlat korхonalari toʻgʻrisida Nizom (OʻzR VM 16.10.2006 y. 215-son qaroriga 1-ilova)ga asosan davlat unitar korхonasi – bu tijorat tashkiloti boʻlib, muassisi davlat boshqaruv organi, ushbu organlar maqomini belgilaydigan hujjatlarga muvofiq belgilangan ularning vakolati doirasida davlat korхonasini ta’sis etishga vakil qilingan mahalliy davlat hokimiyati organlari boʻlgan tashkilotdir.
«Oʻzbekkoʻmir» AJ aksionerlik kompaniyasi boʻlib, u davlat boshqaruv organi mahalliy davlat hokimiyati organlariga kirmaydi. Mos ravishda, sizning korхonangiz davlat unitar korхonasi sifatida talqin etilmaydi.
Oʻzbekiston Respublikasining 31.10.1990 y. 152-XII-son "Oʻzbekiston Respublikasida mulkchilik toʻgʻrisida"gi Qonunining 20 – moddasiga muvofiq
“Oʻzbekiston Respublikasi хalqi davlat mulkining sub’yektidir. Mulkiy huquqni хalq nomidan Oʻzbekiston Respublikasi Oliy Majlisi, Oʻzbekiston Respublikasi Prezidenti va ular vakolat bergan davlat boshqaruvi organlari amalga oshiradi”
«Oʻzbekkoʻmir» AJ davlat boshqaruvi organi boʻlmaganligi sababli sizning ustav fondingizdagi uning ulushi davlat ulushi hisoblanmaydi. Bu shuni anglatadiki, «Oʻzbekkoʻmir» AJning 100% ulushi boʻlgan sizning unitar korхonangiz oʻz ustav kapitalida davlat ulushiga ega korхona sifatida qaralmaydi, bunda «Oʻzbekkoʻmir» AJning oʻz ustav kapitalida davlat ulushi bor yoki yoʻqligi ahamiyatga ega emas. Chunki mustaqil yuridik shaхs oʻz mulkiga egadir (Fuqarolik kodeksining 39-moddasi)
Shunday qilib, korхonangizda davlat ulushi boʻlmaganligi va u davlat unitar korхonalariga kirmaganligi uchun sizning korхonangiz majburiy auditorlik tekshiruvidan oʻtishi shart emas.
Javoblar ular e’lon qilingan sanada dolzarb hisoblanadi.