Oʻzbekiston Respublikasi Xalq ta’limi vazirligi toʻgʻrisida nizomning¹ 8-bandiga binoan maqsad va vazifalarni bajarish uchun хalq ta’limi vazirligi va uning hududiy boʻlinmalari maktabgacha, umumiy oʻrta va maktabdan tashqari ta’lim, pedagog kadrlarning malakasini oshirish va ularni qayta tayyorlash uchun davlat talablarini belgilaydi. Umumta’lim davlat muassasalaridagi lavozim uchun nomzodlarga malaka talablari ichki buyruqlar va yuqori davlat organlarining umumta’lim muassasalari faoliyatini tartibga soluvchi nizomlari asosida belgilanadi.

Sizning savolingiz matnidan anglashimcha, Sizning umumta’lim maktabingizda direktor oʻrinbosari lavozimiga tayinlash uchun pedagogika ta’limi sohasida eng kam ish staji 5 yilni tashkil qiladi. Direktor oʻrinbosari lavozimiga tayinlangan хodim 10 yil umumiy stajga ega, bunda 5 yil pedagogika ta’limi sohasida. Mehnat qonunchiligida bevosita tayinlanishdan oldin zarur stajga ega boʻlishni talab qiluvchi norma mavjud emas.

Agar XTVning 191-buyrugʻida nomzod bevosita tayinlanishidan oldin olingan 5 yil uzluksiz stajga ega boʻlishi kerakligi belgilangan boʻlsa, u holda mazkur holatda Sizning nomzodingiz malaka talablariga muvofiq kelmagan, chunki boshqa sohada band boʻlganligi sababli uning staji uzilgan. Agar unday belgilanmagan boʻlsa, nomzodning staji direktor oʻrinbosari lavozimi malaka talablariga muvofiq kelgan.