Soliq kodeksining 272-moddasiga muvofiq jismoniy shaхslarning mol-mulkiga solinadigan soliq toʻlovchilari boʻlib mulkida soliq solinadigan mol-mulki boʻlgan jismoniy shaхslar hisoblanishadi. Jismoniy shaхslarning koʻchmas mulkka boʻlgan mulk huquqi davlat roʻyхatidan oʻtganidan keyingina, ya’ni yer uchastkasiga va bino (kadastr)ga mulk huquqini davlat roʻyхatidan oʻtkazilganligi haqidagi guvohnoma berilganidan soʻng kuchga kiradi. Koʻchmas mulkka boʻlgan huquqlar davlat roʻyхatidan oʻtkazilmasdan amalga oshirilgan koʻchmas mulk bilan bogʻliq bitimlar haqiqiy emas deb hisoblanadi (Koʻchmas mulkka boʻlgan huquqlarni va u haqda tuzilgan bitimlarni davlat roʻyхatidan oʻtkazish tartibi toʻgʻrisida Nizom, OʻzR VM 07.01.2014 y. 1-son Qaroriga 1-Ilovaning 3-bandi).
Jismoniy shaхslarning mulkida boʻlgan yashash uchun moʻljallanmagan joylar boʻyicha jismoniy shaхslarning mol-mulkiga solinadigan soliq yuridik shaхslar uchun belgilangan stavka boʻyicha toʻlanadi (Soliq kodeksining 276-moddasi).
Jismoniy shaхslarning mol-mulkiga solinadigan soliq summasi mol-mulkning 1 yanvarga boʻlgan holatiga koʻra inventarizatsiya qiymatidan va belgilangan stavkadan kelib chiqqan holda hisoblab chiqariladi. Jismoniy shaхslarning mol-mulkiga solinadigan soliqni soliq davri uchun toʻlash hisobot yilining 15 oktyabriga qadar amalga oshiriladi (Soliq kodeksining 277-moddasi).
Shu tariqa, siz doʻkonlarning mulk egasi sifatida kadastrni olganingizdan keyin (mulk huquqini davlat roʻyхatidan oʻtkazgach) tan olinasiz. Doʻkonlar boʻyicha mulk soligʻi ularga boʻlgan mulk huquqini davlat roʻyхatidan oʻtkazilgan sanadan boshlab, ya’ni 2016 yilning yanvaridan yuridik shaхslar uchun belgilangan stavkada (noturarjoy ob’yekti sifatida) toʻlashingiz zarur. 2016 yilga yuridik shaхslar uchun baza stavkasi 5% etib belgilangan.
2011-2015 yillar uchun koʻrsatilgan doʻkonlarga mulk huquqi davlat roʻyхatidan oʻtkazilmaganligi sababli bu davrga mulk soligʻini toʻlash kerak emas.
Javoblar ular e’lon qilingan sanada dolzarb hisoblanadi.